Joriy yil 3 mart kuni Farmatsevtika tarmog‘ini rivojlantirish agentligi direktori Abdulla Azizov hamda "Expo Tour Group" direktori Esmeralda Ablyaeva va "Tricornio Technologies" kompaniyasining vitse-prezidenti Harikrishnan Mohanan bilan uchrashuv bo‘lib o‘tdi.
Uchrashuv davomida "Tashkent Pharma Park" farmatsevtika klasteri hududida joriy yilning 20–22 may kunlari o‘tkazilishi rejalashtirilayotgan “Pharma Eurasia 2026” xalqaro farmatsevtika ko‘rgazmasini tashkil etish masalalari atroflicha muhokama qilindi.
Xususan, quyidagi yo‘nalishlarga alohida e’tibor qaratildi:
➡️ tadbir konsepsiyasi va umumiy formati, ishtirokchilar qamrovi hamda masshtabi;
➡️ ko‘rgazma doirasidagi asosiy yo‘nalishlar va maqsadli auditoriya (ishlab chiqaruvchilar, distribyutorlar, investorlar va boshqalar);
➡️ Agentlik tomonidan ko‘rsatiladigan amaliy ko‘mak turlari, jumladan davlat organlari va hamkor tashkilotlar bilan muvofiqlashtirish, axborot-ma’rifiy qo‘llab-quvvatlash hamda ishchi aloqalarni yo‘lga qo‘yish;
➡️ tashkiliy masalalar - logistika, maydon va pavilonlarni rejalashtirish, delegatsiyalar tashrifi, protokol tadbirlari hamda kommunikatsiya ishlari.
Uchrashuv yakunida tomonlar tadbirni yuqori saviyada tashkil etish bo‘yicha o‘zaro hamkorlikni izchil davom ettirish, ishchi reja va keyingi amaliy qadamlarni belgilash yuzasidan kelishuvga erishdilar.
