Bugun Yuqori Chirchiq tuman hokimi Uskenbay Atemov “T.G. Xvan” mahallasida joylashgan “UZGERMED PHARM” masuliyati cheklangan jamiyatida bo’lib, korxona faoliyati bilan tanishdi.
Mazkur korxona farmatsevtika mahsulotlarini ishlab chiqarishga ixtisoslashgan bo’lib hozirgi kunda bu yerda 200 dan ortiq ish o’rni yaratilgan. Korxonaning yillik ishlab chiqarish hajmi 192 mlrd somni tashkil etadi.
Bundan tashqari korxona hozirda qoshimcha investitsiyaviy loyihani amalga oshirmoqda. Ushbu loiha doirasida yil yakuniga qadar 4 mln AQSH dollari miqdorida investitsiya kiritilishi ko’zda tutilgan. Natijada 150 ta yangi ish o’rni yaratilishi, ishlab chiqarish hajmi va eksport salohiyatining ikki barobarga oshishi rejalashtirilgan.
Yuqori Chirchiq tumani hokimligi tomonidan bunday loyihalarni qo’llab-quvvatlash orqali yangi ish o’rinlarini yaratish, mahalliy ishlab chiqarishni rivojlantirish va eksport salohiyatini oshirishga katta etibor qaratilmoqda.
