24–25 sentabr kunlari Hilton Tashkent City mehmonxonasida farmatsevtika sohasida mintaqadagi eng yirik tadbir – 4-yillik xalqaro kongress va ko‘rgazma o‘z ishini boshladi.
Tadbir Farmatsevtika tarmog‘ini rivojlantirish agentligi ko‘magida tashkil etildi.
Kongressda:
300 dan ortiq farmatsevtika kompaniyalari rahbarlari va texnik direktorlar
Investorlar va yirik loyiha tashabbuskorlari
Uskuna, texnologiya va xizmat yetkazib beruvchi kompaniyalar
Xalqaro ekspertlar va maslahatchilar ishtirok etmoqda.
Kongress mintaqada farmatsevtika sohasidagi yirik investitsiyaviy loyihalarni taqdim etish, yangiliklar, texnologiyalar va innovatsion yechimlarni namoyish qilish, xususiy sektor, davlat organlari va xalqaro investorlar o‘rtasida muloqot va hamkorlikni yo‘lga qo‘yish bilan ahamiyatlidir.
Mazkur tadbir ma’ruzalar, davra suhbatlari, ilg‘or texnologiyalar ko‘rgazmasi, ishbilarmonlik uchrashuvlari va soha yetakchilari uchun yangi imkoniyatlar maydoni bo‘lib xizmat qiladi.
