O‘zbekiston delegatsiyasi Iordaniyada farmatsevtika investitsiya va hamkorlik imkoniyatlarini taqdim etdi
O‘zbekiston Farmatsevtika tarmog‘ini rivojlantirish agentligi delegatsiyasi Iordaniya Hoshimiylar Podshohligida xizmat safarini o‘tkazmoqda. Safar doirasida farmatsevtika sohasidagi yetakchi kompaniyalar va uyushmalar rahbariyati bilan uchrashuvlar tashkil etildi.
Safar davomida:
Dar Aldawa, Pharma International, Itqan Pharma, Advanced Pharma Care, Rubio Bisan Drugstore and Medical Supplies kompaniyalari rahbariyati;
Arab Union of Manufacturers of Pharmaceutical Products birlashmasi Prezidenti;
Drugstore Owners Association rahbariyati bilan muzokaralar o‘tkazildi.
Muzokaralar davomida:
O‘zbekiston farmatsevtika sanoatidagi investitsiya imkoniyatlari va qulay shart-sharoitlar;
Qo‘shma korxonalar tashkil etish istiqbollari;
Dori vositalari ishlab chiqarish va eksport yo‘nalishlarini kengaytirish;
Zamonaviy texnologiyalarni transfer qilish va malakali kadrlar tayyorlash masalalari muhokama qilindi.
